כִּֽי-יִמָּצֵא אִישׁ שֹׁכֵב | עִם-אִשָּׁה בְעֻֽלַת-בַּעַל וּמֵתוּ גַּם-שְׁנֵיהֶם הָאִישׁ הַשֹּׁכֵב עִם-הָֽאִשָּׁה וְהָֽאִשָּׁה וּבִֽעַרְתָּ הָרָע מִיִּשְׂרָאֵֽל: דברים.
החוק הזה נכון גם לגויים:
וַיִּסַּע מִשָּׁם אַבְרָהָם אַרְצָה הַנֶּגֶב וַיֵּשֶׁב בֵּֽין-קָדֵשׁ וּבֵין שׁוּר וַיָּגָר בִּגְרָֽר: וַיֹּאמֶר אַבְרָהָם אֶל-שָׂרָה אִשְׁתּוֹ אֲחֹתִי הִוא וַיִּשְׁלַח אֲבִימֶלֶךְ מֶלֶךְ גְּרָר וַיִּקַּח אֶת-שָׂרָֽה: וַיָּבֹא אֱלֹהִים אֶל-אֲבִימֶלֶךְ בַּֽחֲלוֹם הַלָּיְלָה וַיֹּאמֶר לוֹ הִנְּךָ מֵת עַל-הָֽאִשָּׁה אֲשֶׁר-לָקַחְתָּ וְהִוא בְּעֻלַת בָּֽעַל: וַֽאֲבִימֶלֶךְ לֹא קָרַב אֵלֶיהָ וַיֹּאמַר אֲדֹנָי הֲגוֹי גַּם-צַדִּיק תַּֽהֲרֹֽג: הֲלֹא הוּא אָֽמַר-לִי אֲחֹתִי הִוא וְהִֽיא-גַם-הִוא אָֽמְרָה אָחִי הוּא בְּתָם-לְבָבִי וּבְנִקְיֹן כַּפַּי עָשִׂיתִי זֹֽאת: וַיֹּאמֶר אֵלָיו הָֽאֱלֹהִים בַּֽחֲלֹם גַּם אָֽנֹכִי יָדַעְתִּי כִּי בְתָם-לְבָֽבְךָ עָשִׂיתָ זֹּאת וָֽאֶחְשׂךְ גַּם-אָֽנֹכִי אֽוֹתְךָ מֵֽחֲטוֹ-לִי עַל-כֵּן לֹֽא-נְתַתִּיךָ לִנְגֹּעַ אֵלֶֽיהָ: וְעַתָּה הָשֵׁב אֵֽשֶׁת-הָאִישׁ כִּֽי-נָבִיא הוּא וְיִתְפַּלֵּל בַּֽעַדְךָ וֶֽחְיֵה וְאִם-אֵֽינְךָ מֵשִׁיב דַּע כִּי-מוֹת תָּמוּת אַתָּה וְכָל-אֲשֶׁר-לָֽךְ: בראשית.